top of page

90GLOBETROTTING

​九十後環遊世界

Home: Welcome
Home: Blog2

台北美食之旅 - 天母三明堂

三明堂

上一個post提到話去咗士東市場食阿吉師,之後就去咗同樣位於天母一間賣日本和菓子既小舖,

由士東市場慢行過去需要15分鐘,沿途都幾多野睇,呢個區幾特別,好多日本人居住,

屋既外形都好有日本feel,所以有好多日本餐廳。

呢間三明堂都係睇旅遊書介紹,其實唔知好唔好食,又無咩人去過,都係抱住有時間去睇吓既心態,

係門口見無人入去,仲驚會唔會係中伏野,無幾耐有個台灣人入咗去,於是我地都跟住入去,

隨後都有另一個台灣人入左去買,心諗當地人都會買應該都唔會差,

款式唔係好多,有小量位置可以買完係個度食都得,不過我地選擇咗外賣返酒店食,因為d壽司都未消化。

最終我地買咗兩個草莓大福,一盒綜合丸子,盛為NT360

一串丸子有三種味道,有紅豆,綠豆,黑芝麻,有人好期待食呢串野,

成日都話忍者亂太郎入面既新丁成日食,好想試下係咩味....都幾好食,唔會太甜

呢個草莓大福真係不得了!每個都好大個,先有紅豆餡再包住原粒既士多啤梨,

士多啤梨仲係好新鮮,好多汁好甜,好好味!

三明堂都比較少香港人去,如果有時間又想試特別d野,都幾值得一去,仲可以買返去做手信。

價錢★★★☆☆ (買兩樣野NT360,港幣差不多一百蚊,中等價錢)

環境★★★☆☆(有座位提供堂食,但見d枱都幾迫)

味道★★★★☆(好食,唔甜,必試草莓大福)

整潔★★★★☆

等候時間★★★★★(唔需要排隊買)

服務態度★★★★☆




7 views0 comments

Comments


bottom of page