牛肉麵 「小吳」「 建宏」 去台北旅行時食牛肉麵是常識吧？！ Google左之後，發現牛肉麵有很多唔同種類， 當中最多人討論嘅就係動輒都要上千元嘅牛肉麵， 但係我地嘅選擇只兩間位於路邊嘅小店， 分別係叫做“小吳牛肉麵”同“建宏牛肉麵” 會選擇呢兩間店嘅原因除左係離我地酒店好近之外 呢兩間店仲係有好多當地人食， 呢個原因往往都係我地選擇食咩野嘅最大目的。 講番d牛肉麵， 小吳同建宏巧合地係喺同一條街， 而我地係分開兩日食嘅。 第一樣登場嘅係“小吳牛肉麵”
我地食呢餐係宵夜， 當時已經食到好飽，所以無堂食 打包番酒店沖個涼先食， 需然碗麵只係NT80， 但係外買包裝絕不簡單， 湯同牛肉會放入一個膠袋， 而麵會分開放入外賣碗， 另外會有膠袋仔比你裝調味料，必拎嘅調味料有“牛油”（真係牛嘅油）同埋雪菜。 加入呢兩種野拎到個湯更加香濃。
最後我地對呢個牛肉麵十分滿意。 簡直係平靚正，食最細碗都有十分多牛肉同麵，而湯底係好好飲，最後飲曬d湯。 之後係我地食隔離嘅建宏係最後一日嘅第一餐， 建宏同小吳嘅格局差唔多， 而佢地都有提供牛油同雪菜，雪菜好重要，因為有人鐘意食。 最細碗價錢都係NT80。
(橙色係牛油，好香牛味，必加)
兩間舖最大分別係湯底，我個人認為小吳湯底較濃同較深色，但建宏就比較多牛肉同埋多D人食，有的士司機都渣架車黎食，可能係位置較前關係？ 總括黎講，兩間店分別不大，當地人嘅選擇我諗只係某種情意結？ 因為兩間店分別不大，所以兩間齊評分
價錢★★★★★ (NT80有牛肉食，香港廿蚊去些粉食營多咋）
環境★★★☆☆（非常地道的小店，大部分位係室外，類似大排檔，建議打包）
味道★★★★★（必食，）
整潔★★★☆☆ (尚算OK，NT80唔好咁高要求)
等候時間★★★★★（唔洗排隊，整碗麵好快)
服務態度★★★★☆ (幾好，小吳有提醒要拎牛油同雪菜，絕不孤寒)
小吳牛肉麵
108台北市萬華區洛陽街45-11號
Comentarios