top of page

90GLOBETROTTING

​九十後環遊世界

Home: Welcome
Home: Blog2
  • Writer's picture90Globetrotting

台灣美食之旅 - 上引水產


上引水產係近年去台北必去嘅地方。 十分之好魚生嘅我,當然要去朝聖下。 因為上引水產唔係捷運附近,而台北啲的士又唔貴,所以我地選擇左搭的士。

一去到門口已經見到一堆人,心諗以為多人到逼出門口,睇真d原來係有劏吞拿魚表演,地下訓左條差唔多人咁大嘅台灣海域出產吞拿魚。 睇左一陣之後,就開始入去睇野。 一開始係活海鮮區,有好多魚缸,有長腳蟹,鮑魚,龍蝦等,仲有好多唔同魚類可以做刺生。呢d海鮮可以買走或者即時係現場加工食。

超級大隻

行完呢區之後,就行到一個叫海鮮吧嘅區域。

呢到就無壽司食,得海鮮。我地見呢到無咩人排隊就決定試左呢到先。拎左飛之後行左個圈再番黎就差唔多到我地。係入座前職員會要你先點菜,我地就要左一隻長腳蟹、一份牡丹蝦、同一個三文魚湯。

幾好樣,但其實只係普通味增湯

幾大隻

以上三樣野食左NT2400 食完之後當然未飽啦,再去行下睇下有咩好食,出番去劏魚果到見到有得試食,我地當然唔汁輸啦,新鮮劏出黎真係好食啲(心理作用?)

之後一心諗住去壽司果區食,去到門口見到成堆人都心知不妙。幾經辛苦逼入人群拎到張飛先發現原來要等成一百個號碼,最後放棄去買盒裝壽司算。

當然新鮮即整果啲壽司會正啲,但係盒裝都唔差,出面仲有d位置比人食,非常方便,而佢d壽都去得好快,所以唔洗怕會唔新鮮。 以下係我地買左嘅壽司:

驚喜之最,超大隻又平

一排肥一排瘦,兩種口感

咁多壽司都只係買左NT1371 食完呢堆壽司之後就好滿足好飽咁完成左上引水產之旅。

又到左比分時間 價錢★★★★☆ (海鮮吧偏貴,但盒裝壽司好抵,特別係帆立貝) 環境★★★☆☆(太多人太逼) 味道★★★★☆(吞拿魚肥美無筋,帆立貝超大隻好正唔腥) 整潔★★★☆☆(整體ok, 但出面d枱因為太多人使用,有好多壽司盒同豉油) 等候時間★★☆☆☆ (海鮮吧可以接受,壽司果到真係等唔到,仲有買盒裝個收銀都要排唔少時間) 服務態度★★★ ☆☆ (可能太多人關係,某幾個職員態度麻麻地) 整體黎講係值得去,因為都好食,佢仲有火鍋同燒烤區我地係未試,應該都唔差。 如果怕迫嘅人就建議午飯時間打後會比較好,因為真係好多人!


上引水產

台灣台北市民族東路410巷2弄18號


21 views0 comments

Recent Posts

See All

Commenti


bottom of page