因為過關同OTS都勁多人關係，原本當作午餐嘅通堂拉麵變左做下午茶，
不過無所謂，香港人都慣左午餐同下午茶一齊食。
雖然已經過左午餐時間，但去到通堂拉麵都已經有唔少人等緊位，
門口會有張紙比你填名同埋人數，睇番陋紙都有成5-6張枱先到我地。
間店唔係好大，所以要等一段時間。
等左一段時間就到我地入位，因為我地人多關係，所以就被安排坐日式位(跪坐)
一入到去就比左一大壺凍茶比我地飲，等位等到咁熱飲番杯凍茶真係正。
日本拉麵多數都係禁機買拉麵，呢間都唔例外，
好簡單好似汽水機咁，先入錢再揀想食嘅拉麵或者小食，
之後會出番一式兩張嘅飛，將其中一邊比職員就OK
通拉麵有兩種唔同湯底，「男味」同「女味」
我地兩種都有叫。
「男味」應該係豬骨湯底 (碗上嘅辣芽菜係免費任加，出奇地好食)
「女味」係鹽味湯底
「女味」味道較清，而「男味」就好濃豬骨味，兩種味都好食，而我個人就比較鐘意濃味所以我就揀左「男味」。
另外有其他小食，我地就叫左餃子都幾好食，
拉麵同小食價錢都唔貴，味道亦都幾好，
只係冷氣略為唔係幾夠涼，同埋泊車位少同窄，渣7人車黎嘅要注意一下。
通堂拉麵(小禄店)
沖縄県那覇市金城5-4-6
Mapcode: 33 095 394
Tel: 098-857-5577
11:00〜25:00
Kommentare