暖暮拉麵本身係諗住宵夜食既，不過去完古宇利島之後都夜， 所以將暖暮拉麵做晚餐，位於國際通，好近酒店。 呢間拉麵大有來頭，係日本拉麵比賽攞到第一， 仲勁過一蘭，所以點都要試下啦！
去到有好多本地人都會食，由於我地7個人，無咁多個連位， 所以要分開食，多人去食就有呢個唔好，位唔多。
去過日本都知道食拉麵要先買飛，可以係等位途中買等飛先
都唔洗點揀，都係得叉燒拉麵，只係玉子會有唔同， 啲人話餃子都好食，都點了一碟餃子，仲有兩杯黑烏龍茶
買完飛都要圈返你想要麵既硬度、辛辣度、粗定細麵、湯既濃度
辛辣高菜可以加入拉麵中，幾好味，不過唔好落太多，會好咸
主角終於出場啦，個樣就好吸引，食落都好食，可能湯底揀咗濃， 所以食到最後都幾咸，飲唔落啲湯，整體係好食既！
餃子真係好食，細細粒，個皮仲脆
暖暮係日本其他地方都有分店，唔係得沖繩先有！
〒900-0013 沖縄県那覇市牧志２丁目１６−10
Tel: 098-863-8331
Commentaires