沖繩の旅 DAY 2 @ 伊計島 大泊沙灘

原本plan行程時其實係想去殘波沙灘，因旅遊書有介紹， 但上網睇到有人講殘波沙灘沙好粗，水中無野睇， 而我地係淘寶淘咗潛浮用品，無理由去個無野睇既沙灘。

上網有人話伊計沙灘同大泊沙灘都好正，少人，又多魚， 之後就上網睇人地啲blog，原來伊計沙灘要每個人收入場費， 而大泊沙灘就收泊車費，決定咗去大泊沙灘！

12點幾食完海人食堂就出發去大泊沙灘，車程都幾長，

大泊位於伊計島，由恩納去都要一個半小時，會經過海中道路。 難得經過海中道路當然要停一停車落去影張相啦，睇相都見到好靚！

影完就繼續行程，之後亦會見到有路牌指示伊計島方向

先會經過伊計沙灘

再揸多陣就會見到大泊沙灘，要先比錢先，

仲有最好自己帶沙灘蓆，因為無提供，要比錢租先有， 而且唔平，我地早有預備，除咗係淘寶淘咗潛浮用品，仲有沙灘蓆，沙灘帳篷

真係好少人，唔係好猛太陽，幾舒服，

開好沙灘帳篷，沙灘蓆就落水浮潛啦！

好多魚呀，啲珊瑚好靚，唔洗去到好出都可以睇到， 啲魚係身邊不斷游黎游去！

大概係沙灘玩咗3個鐘就走啦，有更衣室沖身，都唔會好污糟。

圖中左手邊就係更衣室位置

走既時候見到彩虹，好靚呀！

大泊沙灘都幾適合一家大細去，唔大浪，水清多魚睇，仲有都易去。

伊計1012

MC:499 794 816

Tel: 098-965-5634